لقيت في صدرك مواطي قدم لص

قصيده عجبتني وحبيت انقلها لكم
جيت الطبيب اللي على الصدر مختص
اباه يعمل لي على الصـدر تشخيـص
ثم حط سماعه على الصدر قـال اص
اسمع لي بصدرك حساس ووصاويص
نبي نسوي لـك اشاعـه ونفحـص
ونمحص اللي داخل الصدر تمحيـص
سوى الاشاعه قال ياصاحبـي بـص
لا يدخل بصدرك احد دون ترخيـص
لقيت في صدرك مواطي قـدم لـص
والقلب مقصوص من الصدر تقصيص
وانته عن اللي سارقٍ قلبـك ابخـص
قلت ايه داري به وعن وضعه ابخيص
هذاك ما يرخص لو النـاس ترخـص
وانا بعد عنده تـرى مانـي رخيـص
بيني وبينـه قلبـي النـص بالنـص
لا والله الا كلـه بــدون تنقـيـص
يرص ويوزع واقول امش ما اقـص
مافيـه تكويـشٍ ولا فيـه تخبيـص
مـادام هـذي علتـي ياطبيـب اص
ماني بحاجة عـلاجٍ وتشخيـص